V ŞƏKİLLİ BAŞ VƏ ÇİYİN FİQURLARI

Bu fiqur özündən əvvəlki tendensiya yüksək sürətli olduğu zaman yaranır. V fiqurunda, qiymət maili və sürətli bir şəkildə bir istiqamətdə irəliləyərkən anidən əksinə çevrilir və eyni sürətlə tamam əks istiqamətə doğru reallaşmağa başlayır. Dalğalanma yüksək olduğu qrafiklərdə reallaşan V fiqurunda qiymət sürətlə aşağıya düşərkən qəfil sərt şəkildə yüksəlişə keçir. Əks V fiqurunda isə yüksəliş trendində olan bir valyutanın enişə keçməsi lazımdır. Bu fiqurlarda hərəkətlərin sərt olması və ümumiyyətlə volatilliyin yüksəldiyi bazar şəraitində meydana gəlməsi tam mənasıyla yatırımçıya bir siqnal verə bilmir. 

V fiqurunun yarandığı qiymət qrafiklərində çox sayda sərt qırılmalar görünür. İnvestorlar üçün tək siqnal, qiymətin sərt trendə daxil olmuş, sürətli bir şəkildə yüksələn və ya enən olmasıdır. V fiqurunun analizlərindən istifadə edən yatırımçılara başqa texniki göstəricilərdən də kömək almaları tövsiyə edilir. Volatilliyin yüksək olması və qiymətlərin ani dəyişməsinə görə investor bəzən analiz etmək və fiquru görə bilmək üçün ehtiyacı olan zamanı tapa bilməz, çünki  təəssüf ki,  V fiquru digər fiqurlar kimi başlanğıcında konkret bir siqnal vermir.