VOLATİLLİK NƏDİR ?

Volatillik sözü lüğəti olaraq "qeyri-sabit" mənasını verməkdədir. Volatillik, qiymətlərdəki dəyişikliyin nə qədər yüksək fasilələrlə reallaşdığını, maliyyə məhsulun qiymət hərəkətləri arasındakı fərqin böyüklüyünü ölçür. Qısacası, volatilliyi yüksək olan maliyyə alətinin riskinin yüksək, volatilliyi aşağı olan maliyyə alətinin isə risk səviyyəsinin aşağı olduğunu söyləyə bilərik. Volatillik, aşağı və ya yuxarı, hər iki istiqamətə də dəyişiklikləri ölçür. 

Qiymətlərin, ortalama qiymətdən nə qədər uzaqlaşdığını ölçdüyümüz volatillik anlayışına "Dalğalanma səviyyəsi" də deyilir.

Tezliklə VOLATİLLİK haqqında hazırlanacaq videonu izləyərək məlumat ala bilərsiniz.

FOREX BAZARLARINDA VOLATİLLİK

Məlum olduğu kimi Forex bazarı bir çox üstünlükləri olan bir investisiya bazarıdır. Məhsul müxtəlifliyi, iki istiqamətli əməliyyat imkanı, 24 saat işləyən bir bazar olması, aşağı xərc ilə ticarət və xüsusilə Kredit çiyni dəstəyinin istifadə üstünlüyü, Forex bazarında kiçik miqdarlarla yüksək qazanclar əldə edə bilmək imkanı yaradır. Lakin bütün bu üstünlüklərlə yanaşı Forex bazarında risklərdə mövcuddur. Forex bazarının riskli olma səbəbi isə digər investisiya bazarları ilə müqayisədə volatilliyin yüksək, anlıq maliyyə xəbərlərinə, iqtisadi dəyişikliklərə qarşı həddindən artıq həssas olması və sürətli reaksiya göstərməsidir. Bu səbəbdən, Forex bazarında əməliyyat edərkən doğru Kredit çiyni seçimi, düzgün əməliyyat həcmi təyin etmək nəzərə alınmalıdır. Forex bazarı iqtisadi gündəmə və pul siyasətlərinə həssas bir bazar olduğu üçün anlıq və böyük nisbətdə qiymət hərəkətləri yarana bilər. Bu vəziyyətdə açıq əməliyyatı olan bir investor, əks istiqamətdə reallaşan bir qiymət hərəkətinin təsiriylə ciddi itkilər yaşaya bilər. Buna görə investorların risk iştahlarını doğru təyin edə biləcəkləri miqdarda zərəri də gözə almaları lazımdır.

Forex-də ticarət edərkən Valyuta, İndeks və Əmtəələrin risk ölçülməsini doğru bir şəkildə edə bilmək üçün yatırım miqdarı ilə məhsul volatilliyi arasındakı əlaqəni doğru qurmaq lazımdır.    

Volatilliyi ölçmək üçün Forex bazarında və bütün investisiya bazarlarında bəzi osilyatorların köməyi ilə texniki analiz edilir. Volatilliyin ölçülməsində ən çox istifadə edilən texniki göstərici "Dəyişən orta göstərici" (MA)-dır. Dəyişən orta göstəricidə, qiymət dəyişikliyini xarakterizə edən qrafik çubuqlar orta xətt göstəricisindən yuxarıda və ya aşağıda olduğu zaman trendin davam edəcəyi ehtimalı daha yüksəkdir. Qrafik çubuqlar orta xətti kəsdiyi və ya ona toxunduğu zaman trendin istiqamətini dəyişəcəyi ehtimalı artır, xüsusən bağlanış qiymətləri müvafiq olaraq orta xətti kəsdiyi zaman bu ehtimal daha da böyük olur.