QRAFİK METODLAR

Anlıq qrafikdə qiymət dəyişmələrinin hər yeni kvota dəyəri görsənir. Digər qiymət qrafiklərindən fərqli olaraq bu qrafikdə fiksə edilmiş zaman oxu yoxdur. Anlıq qrafikdə hər yeni qiymət dəyişikliyi horizontal xəttin şaquli istiqamətində yerdəyişməsi vasitəsilə əks olunur. Aktiv bazarlarda çox sayda qiymət dəyişikliyi xətləri, nisbətən qeyri-aktiv bazarlarda isə daha az sayda qiymət dəyişikliyi xətləri müşahidə edilir.

Xətti qrafik, tək bir qiymət məlumatını göstərir. Xətti qrafiklər sadəcə bir zaman intervalında həyata keçirilən bağlanış qiymətlərini göstərir. Sadə bir quruluşa sahib olduğu üçün daha çox uzun müddətli tendensiyaları analiz etmək üçün istifadə olunur. Xətti qrafiklər müəyyən bir zaman intervalında aşağı və yuxarı istiqamətli qiymət dəyişikliklərini əks etdirmir və qısamüddətli təhlillərdə yetərsiz ola bilər.

FOREX bazarında nisbətən daha çox istifadə edilən və qiymət dəyişikliyinin qrafik analizinin daha sadə üsulu çubuqli qrafik üsulu ilə aparılan analizdir. Çubuqlu qrafiklər müvafiq dövr üzrə qiymət dəyişikliyinin bütün xarakterik xüsusiyyətlərini özündə əks etdirir. Çubuq qrafikində barlar, qiymət hərəkətlərinin bəlli bir zaman intervalında ən aşağı və ən yüksək həddləri ilə müəyyən qiymət intervalında açılış və bağlanış qiymətini göstərir.

Əgər açılış qiyməti bağlanış qiymətindən daha aşağı səviyyədədirsə bu zaman şam ağ (yaşıl), açılı, qiyməti bağlanış qiymətindən daha yuxarı səviyyədə olduqda isə şam qara (qırmızı) rəngdə təsvir olunur. Bir çox məlumatı bir eyni anda verə bilməsi baxımından yapon şamları FOREX bazarında geniş istifadə olunur. Yapon şamları hər bir bazar analizi edən iştirakçıya valyuta cütlüklərinin istiqamətini, açılış və bağlanış qiymətlərini, ən yüksək və ən aşağı qiymətlərini eyni anda təqdim edə bilir.