FOREX-DƏ YATIRIM İDARƏÇİLİYİNİN ÜMUMİ PRİNSİPLƏRİ

Bu prinsip ticarət əməliyyatları açılarkən marjanın nəzərə alınması qaydalarını müəyyən edir. Bazarda gözlənilməz vəziyyətlərin yaranacağı təqdirdə normal fəaliyyətin həyata keçirilməsi üçün saxlanılan rezerv ehtiyatların həcmi ümumi kapitalın həcmindən 50%-dən çox olmamalıdır.

Bu prinsipə riayət edilməsi bazar iştirakçısını müflisləşməyə səbəb ola biləcək, bir əməliyyat üzrə həddən vəsaitlərin yerləşdirilməsi məcburiyyətindən sığortalayır.

Mövqe tutduğunuz zaman bu prinsipi qorusanız, bazar gözlənilənlərin əksinə getsə belə sadəcə 5% həcmində zərərə uğrayacaqsınız.

Bazarda eyni istiqamətli tendensiyalar tamamilə oxşar şəkildə təzahür etmir. Hər bir tendensiya üzrə böyük həcmdə əməliyyatların yerləşdirilməsi müvafiq əməliyyatların risk götürmə prinsipini pozur. Vəsaitlərin optimal şəkildə yerləşdirilməsi prinsipi heç zaman nəzərdən qaçırılmamalıdır. Ticarət əməliyatları yerləşdirilərkən hər hansı əməliyyat nəticəsində yarana biləcək zərərlər mümkün qədır digər əməliyyatlar vasitəsilə kompensasiya edilməlidir.

Diversifikasiya kapitalın mühafizə edilməsi üsullarından biridir. Ticarət portfeli yaradılarkən əməliyyatların zərər və gəlir dərəcələrinə diqqət edilməlidir.

Stop-loss ticarət sərəncamları bir qayda olaraq bazar iştirakçısının müvafiq əməliyyatlara nəzarət imkanının olmadığı zamanlarlda zərər həcminin limitlənməsi və ya əlavə gəlirin təmin ediməsi məqsədi ilə yerləşdirilir. 

Stop-loss səviyyəsinin müəyyənləşdirilməsi ilk növbədə bazar iştirakçısının bir əməliyyatlar üzrə müəyyənləşdirdiyi zərər ehtimalı diqqətə alınmalıdır.

Hər bir ticarət əməliyyatı zamanı mənfəət norması müəyyənləşdirilməlidir. Mənfəət norması müəyyən edilmiş bir əməliyyat gələcəkdə arzu olunmaz qiymət dəyişikliklərinə qarşı zərər normasının müəyyənləşdirilməsi ilə balanslaşdırılmalıdır.

Ümumiyyətlə invesitiyalarda mənfəət və zərər normaları arasında nisbət 3:1 nisbətində müəyyənləşdirilir. Nümunə: bazar iştirakçısı potensial zərər məbləğini 100 dollar həcmində müəyyənləşdirdiyi zaman gözlənilən mənfəət norması 300 dollar təşkil etməlidir. Ən mənfəətli əməliyyatların çox zaman bir surprizdir. Nəticə əldə etmək üçün uzun müddət gözləmək lazım gələ bilər. Bu səbəbdən gəlirli əməliyyatlar mümkün qədər açıq saxlanılmalı, zərərli əməliyyarlardakı mövqelər isə zamanında bağlanmalıdır.

Bir neçə əməliyyatın eyni zamanda həyata keçirilməsi ilə ticarət zamanı müvafiq əməliyyatlar 2 qrupa bölünür:

Trend əməliyyatları: 

Trend əməliyyatları üzrə stop-orderlər kifayət qədər böyük intervalda yerləşdirilirməlidir. Belə olan halda əməliyyatlar qısa müddətli korreksiya hərəkətlərindən mühafizə olunmuş olur. Təcrübələr göstərir ki, məhz bu tip əməliyyatlar ticarət fəaliyyəti zamanı daha böyük mənfəət qazandırır. 

Qısamüddətli ticarət əməliyyatları:

Qısamüddətli ticarət xarakterli əməliyyatlar üzrə isə daha sərt stop sərəncamlar yerləşdirilir. Nəticədə bazarda qiymətlər müəyyən səviyyəyə çatdığı zaman bu əməliyyatlar bağlanır və müvafiq qaydada yeni ticarət sərəncamları yerləşdirilir.