FOREX ƏMƏLİYYATLARINDA AŞAĞI SPREDİN ÖNƏMİ

Sizin üçün hazırlanan 2 dəqiqəlik qısa videonu izləyərək Forex bazarında SPRED haqqında məlumat əldə edə bilərsiniz.

Forex bazarına yatırım etmənin ən önəmli üstünlüklərindən biri ticarət əməliyyatlarının xərcinin çox aşağı olmasıdır. İlk növbədə bildirməmiz lazımdır ki, Forex əməliyyatlarında hər hansı bir komissiya xərci yoxdur. Forex bazarında ticarət etmək istədiyiniz valyuta cütlüyü üzrə formalaşmış spred həcmi, yəni alış-satış qiymətləri arasındakı fərqdən başqa hər hansı digər xərc olmaz.

Forex əməliyyatlarından gəlir qazanmaq üçün qiymət dəyişimi təxmininizin spred həcmindən çox artması lazımdır. Alış istiqamətli bir əməliyyat etmisinizsə, müvafiq valyuta məzənnəsinin qiymətinin alış-satış arasındakı fərqdən daha çox yüksəlməsi ticarət əməliyyatınızdan mənfəət qazanmağınıza imkan verəcəkdir. Eynilə, satış əməliyyatını seçdizsə, qiymətlərin spred həcmindən daha çox düşməsi halında müvafiq ticarət əməliyyatından mənfəət əldə etmiş olacaqsınız. Qiymətlərin spred həcmi qədər dəyişməsi isə ticarət əməliyyatını başa-baş bitirməyinizə (sıfır gəlir, sıfır xərc) səbəb olur.

1) A firmasında EUR/USD cütlüyü üçün spred həcminin 1,2 pip olduğunu hesab edək;

1 pip = Ticarət həcmi*0.0001 = 100.000*0.0001 =10$

1,2 pip = 1,2 * 10$= 12$ 

Deməli, A firmasında 1 Lot EUR/USD əməliyyatı həyata keçirdiyinizdə 12$ spred xərciniz olacaqdır.

2) B firmasında isə EUR/USD cütlüyü üçün spred həcminin 0,6 pip olduğunu hesab edək.

Bu zaman 1 Lot EUR/USD əməliyyatında ödəyəcəyiniz spred xərci:

10$*0,6= 6$ olacaqdır.

Göründüyü kimi, B vasitəçi şirkətini seçən investor A vasitəçi şirkətini seçənə nisbətən artıq 6$ qazanclı olmuş olur. Spred həcmi Forex əməliyyatlarında xərcinizi minimumlaşdırmağınız cəhətdən böyük üstünlüyə malik bir amildir. Ticarət əməliyyatınızın həcmi artdıqca bəhs edilən təsir, şübhəsiz ki, daha çox olacaqdır.

Bu səbəbdən, Forex bazarında yatırım etmək üçün vasitəçi şirkət (İnvestisiya şirkəti) seçərkən həmin şirkətlərin tətbiq etdiyi spredləri diqqətlə araşdırmalısınız. Seçdiyiniz aşağı spredli vasitəçi şirkət sizin investor olaraq ticarət əməliyyatına qazanclı başlamağınızı və xərcinizi minimuma endirməyinizə imkan verər. Bununla da gərəksiz yerə eyni ticarət əməliyyatı üçün daha çox pul ödəməmiş və xərcinizi minimuma endirmiş olarsınız.