Cavad bəy, ilk öncə Yeni Best InvestOR müsabiqəsi № 15 Yarışmasında qələbəniz münasibətilə Sizi təbrik edirik. Zəhmət olmasa, bir qalib kimi öz təəssüratlarınızı bizimlə paylaşardınız:
Uzun müddətdir ki, forex ilə maraqlanıram və sizin konkursda iştirak edirəm. Bu dəfə düzgün əməliyyatlar və düzgün strategiya ilə uğur əldə edə bildim.
Zəhmət olmasa, özünüz barədə bir az məlumat verərdiniz?
34 yaşım var, hal-hazırda freelance olaraq çalışıram.
Forex-lə tanışlığınız necə oldu və bu sahəyə marağınız nədən irəli gəlirdi?
İnvestAZ-ın təlimində iştirak etmişdim. Elə o zaman forex bazarı diqqətimi cəlb etmişdi.
Məlumdur ki, Siz ilk dəfə deyil ki, Konkursda iştirak edirsiniz. Daha öncəki yarışmalarda hansı maksimal nəticələr əldə edə bilmisiniz?
Dəfələrlə 10.000 dollar hədəfinə çatmağıma az qalmış böyük risklərə gedərək balansın itirilməsinə səbəb olmuşam. Xatırladığım qədər 7-8 min ətrafında bir neçə dəfə mənfəət əldə edə bilmişəm.
Zəhmət olmasa, ticarət strategiyanız barədə bizi məlumatlandırardınız.
Əməliyyatdan asılı olaraq, həm qısa müddətli, həm də uzun müddətli strategiyalardan istifadə edirəm.
Hansı analiz metodlarından istifadə edirsiniz və ticarət əməliyyatları həyata keçirərkən hansı ticarət prinsiplərinə əsaslanırsınız?
Əsasən texniki analizdən istifadə edirəm. İnvestAZ komandasının analizlərindən də istifadə edirəm.
Elə hallar olubmu ki, çoxsaylı uğursuzluqlar nəticəsində “Bu sahə mənim üçün deyil” deyərək kənara çəkiləsiniz?
Dəfələrlə olub, amma hər zaman "bir gün alınacaq" prinsipi ilə davam etmişəm.
Cavad bəy, yarışmaya başlayarkən qalib olacağınızı ehtimal edirdinizmi?
Qalib olma ehtimalını ilk əməliyyatdan sonra müəyyən olunur. Hər zaman qalib olmaq üçün qatılmışam.
Konkursda əldə etdiyiniz nəticə Sizi qane edirmi?
Sonuncu əməliyyatı mənfi ilə bağlamağım xaricində qane edir.
Yeni başlayan treyderlərə hansı məsləhətləri verərdiz?
Emosional davranmasınlar, tələsməsinlər və ani qərar verməsinlər. Özlərini pis hiss edəndə isə ümumiyyətlə yaxın durmasınlar.
Konkursda hansı yenilikləri görmək istərdiniz?
Hər şey normaldır.
