BİRLƏŞMƏ VƏ SATINALMA

Birləşmə, iki şirkətin birləşərək hüquqi mövcudluğunu itirməsilə yeni bir şirkətin yaranması ilə nəticələnir. Şirkətlərin birləşməsi Vertikal, Horizontal və Konqlomerat birləşmə olaraq həyata həyata keçirilə bilər. Horizontal birləşmə eyni biznes fəaliyyəti ilə məşğul olan firmaların, Vertikal birləşmə eyni istehsal xəttində fəaliyyət göstərən firmaların, Konqlomerat birləşmə isə bir-birilə əlaqəsi olmayan sahələrdə fəaliyyət göstərən firmaların birləşməsidir.

Satınalma isə iki şirkətdən birinin aktiv və öhdəliklərinin digərinə keçməsilə həmin şirkətin fəaliyyətinin dayandırılması və ya həmin şirkətin digərinin törəmə müəssisəsinə çevrilməsilə nəticələnir. Satınalma rəqib şirkətin səhmlərini və ya aktivlərini almaqla iki formada həyata keçirilə bilər. Səhmlər vasitəsilə satınalmada satınalan şirkət rəqib şirkətin səhmlərinin alışı müqabilində  ona səhmlər, pul və ya hər ikisini təklif edə bilər. Bu zaman satınalan şirkət rəqib şirkətin öhdəliklərinə görə məsuliyyət daşıyır. Aktivlər vasitəsilə satınalmada isə satınalan şirkət rəqib şirkətin aktivlərini almaqla ona sahib çıxır. Bu zaman satınalan şirkət rəqib şirkətin öhdəliklərinə görə məsuliyyət daşımır.