QAPALI YERLƏŞDİRMƏ NƏDİR?

Qapalı Yerləşdirilmə zamanı qiymətli kağızlar 50 nəfərdən az şəxsə təklif olunur və ya qiymətli kağızların buraxılışı haqqında qərarda onları əldə edəcək investorlar göstərilir. Qapalı Yerləşdirmə əvvəlcədən razılaşdırılmış qiymətlə və şərtlərlə bağlanan qiymətli kağızların alqı-satqı müqaviləsi əsasında həyata keçirilir. Kütləvi təklifdən fərqli olaraq Qapalı Yerləşdirmə icra prosesinin sadəliyi ilə seçilir. Belə ki, Qapalı Yerləşdirmə zamanı yerləşdirmənin kütləvi şəkildə elanına, qiymətli kağızların birjada listinqinə və onlara abunə yazılışına ehtiyac qalmır.

Qapalı yerləşdirmə fondları  əsasən pensiya fondları, sığorta şirkətləri, fondlar və fiziki ortaqlıqlar daxil olmaqla ərsəyə gəlir. Qapalı yerləşdirmə fondları maliyyələşmə üsulları və investisiya olunan şirkətlərin inkişaf mərhələlərindən asılı olaraq müxtəlif cür ola bilər. Ən geniş yayılmış formaları isə leveraged buyout və venture capital fondlardır. Leverage buyout fondlar sabit pul axınına malik və inkişaf etmiş şirkətlərin səhmlərinin nəzarət paketlərini borc kapitalı vasitəsilə əldə edirlər. Venture capital fondları isə gələcəkdə yenidən satmaq məqsədilə, yeni yaranmış və böyüməkdə olan şirkətlərin səhmlərinə yatırım edirlər.